القاضية عون: منصوري مشغول بحماية المصارف من الدعاوى
كتبت القاضية غادة عون على منصّة “أكس”: “صباح الاوادم صباح لبنان الحلو الخالي من الحروب يا رب استمع صلاتنا واعطنا السلام . بس لازم تسمعوا يا مودعين اخر خبرية: اتفق مصرف لبنان مع المصارف على توسيع مروحة المستفيدين من التعميم ١٦٦(يعني بتشحدوا ١٥٠. $بالشهر ما بتكفي لفاتورة الكهربا والموتور) : بحيث يمكن للذين كانوا حولوا ودائعهم الى الدولار بعد ١٧ تشرين ٢٠١٩و أخذوا شيكات مصرفية من المصرف إعادة هذه الشيكات لكن دون تمكينهم في حال اقفال الحساب من اعادة فتحه. وشرط عدم إقامة دعاوى بوجه المصرف.يعني كتر خيركم كتر خيرك يا مصرف لبنان، مش بس عم تمتنع يا حضرة الحاكم منصوري عن اعطاء الداتا المتعلقة باوبتيموم لحماية هذا او ذاك بس كمان مشغول هلق بحماية المصارف من الدعاوى. اوعا حدا منكن يقيم دعوى!!!! للمطالبة بوديعته!!!!! او لاستعادة امواله .بدكن الفتات تكرم عينكم!!.لكن انتبهوا لا يحق لكم اخذ فتات فتات الفتات اذا اقمتم دعوى للمطالبة بوديعتكم على شي مصرف. اوعى “تدقوا”بالمصارف.واخبزوا بالأفراح يا مودعين ما عم افهم كيف يمكن للحاكم ان يمنع شخص من استعادة حقوقه وان يوافق على تشريع حرمانه اياها !!!!ا اذا حدا عنده جواب يقلي”.
https://x.com/ghadaaoun4/status/1844641965515694210
