اخبار محليةالرئيسية

بعد فوزه… أول تعليق للنائب البستاني.. إيماني فيكم كان كبير

بعد فوزه عن المقعد الماروني في دائرة الشوف صرح النائب د. فريد البستاني عبر حسابه على وسائل التواصل الاجتماعي قائلاً:”بحب بلّش بجملة “لو كان النجاح سهل كانوا وصلولو الكل” ويللي بيتابع مسيرتي المهنية والاكاديمية بيعرف قديش انا متطرّف بالحق.
التحدي كان كبير بس إيماني فيكم كان كمان كبير.
فكرت كتير قبل ما آخد القرار بمتابعة رحلتي النيابية، وقلت لازم إبعد حتى ما أعمل شرخ بالعائلة وببلدتي دير القمر وبالشوف، بس لما شفت وتابعت شو عم بيصير قررت العكس.
قررت كون الى جانب الاشخاص اللي كانوا معي وحدّي وأصرّوا إبقى.
قرّرت إبقى حد يللي آمنوا فيي وبقدراتي وقت ترشحت من ٤ سنين.
قررت إبقى حد يللي حاربوا معي للآخر.
وقررت ما كون خنجر إضافي عم يستعمل ضد رئيس التيار جبران باسيل، لأن ضغطوا علينا كتير، وابتزّونا، بس لأنو فهمنا اللعبة منيح، جابهنا وتحدّينا وكان سلاحنا الكلمة الصادقة والوعد يللي بيتنفّذ.
انا اليوم عم إبني لكمّل يللي بلّشتو ولأعمل الأكتر وأكيد رح كون منكم وحدكم. واليوم بشكركم على ثقتكم الكبيرة فيي، لانكم سبب نجاحي، وانا راهنت كتير على وعي وذكا اهل الشوف ويللي وصلنالو بيأكّد هالشي.
شكراً ليللي صوّتلي، شكراً لكل شخص اشتغلّي من قلبو قناعةً فيي، شكراً لكل مين راهن على نجاحي.

 

مقالات ذات صلة

زر الذهاب إلى الأعلى
error: Content is protected !!