اخبار محلية

قماش: طريق الاصلاح يمر بتحطيم تحالف الحاكم والكاهن والاعلام

أشار مؤسس تجمع ثائرون نادي قماش في تغريدة له أنه قديماً الحاكم والكاهن والشاعر، واليوم: الحاكم والكاهن والاعلام، وأضاف: طريق الاصلاح يمر بتحطيم هذا التحالف”.

وكان قماش أشار في تغريدات له عبر تويتر الى أن “عدد من السياسيين عم يكوبسوا بجلسة مجلس الوزراء الثلاثاء القادم، وعم يقروا التعاويذ ويكتبوا طلاسم سياسية ما الها معنى.. الا انها بتولد سؤال واحد:
وين كنتوا من قضايا الفساد يلي عم تحكوا فيها لما كنتوا شركاء بالحكم؟
الجواب منعرفوا وما بدو شعوذة او فلسفة..
بدو ثورة!
وأضاف:” نظريًّا، تسنح الفرصة لتغيير حاكم لبنان مرّة كلّ ستّ سنوات، كذلك، نظريًّا مرّة كلّ ستّ سنوات، تجري انتخابات رئاسة الجمهوريّة اللبنانيّة!
وتابع قماش:”حملة التهويل انو الغضب الأميركي جاي عالبلد اذا تم المس برياض سلامة واذا بقيت الحكومة، كلام بأحسن الظن نابع من نظرية انو الأمريكان عندن سياسة واحدة ولوحة تحكم محددة لتقرير مصير الشعوب ولما يكبسوا الزر منتعرض للدمار الشامل.. ودورنا نحن نكون عبيد علينا السمع والطاعة
والحقيقة تجارب كتير دول اثبتت انن قادرين يفسحوا مجال لهامش سيادي بالاقتصاد اذا توفرت الارادة والخطة.
وأشار الى أن الاتصالين القطري والكويتي بحسان دياب دليل انو الاميركي رغم قدرتو ع التأثير، ما عندو خطة سياسية وحدة للتعامل مع العالم، وهؤلاء حلفاء اميركا اساساً وعم يتنافسوا بلبنان مع حليف اميركي تاني هو السعودية، دورنا نلاقي خطتنا الوطنية ونتعامل مع اي عرض عربي او دولي ع اساس مصالحنا. وما نسلم بنظرية العبيد، والا رح نلاقي حالنا بسجن كبير، مفكك مناطقياً، ومختل أمنياً، بيجمعنا كلنا تحت رحمة زعران المال والسلاح”.

مقالات ذات صلة

زر الذهاب إلى الأعلى
error: Content is protected !!