بيئة

للمرة الأخيرة..أبي راشد يحذر بعض مناصري التيار الوطني الحر

صدر عن رئيس الحركة البيئية اللبنانية الناشط بول أبي راشد البيان التالي:

تحذير لبعض مناصري التيار الوطني الحر اللي عم يحاولوا يروجوا من يوم الأحد ٢٣ شباط ٢٠٢٠ إشاعة كاذبة إنو “تم إخلاء سبيلي” بتهمة “قطع شجر” سنة ٢٠١٥

رح نوضح قصة الحطب للمرة الأخيرة ومن بعدها منصير بدنا نضطر ندّعي على كل واحد بينشر هيك خبر كاذب وعاري عن الصحة بس لمجرد التجريح وتشويه السمعة، لتحويل النقاش من اعتراضنا على مشروع تدمير جبل نهر الكلب اللي مخالف قانون حماية البيئة ٢٠٠٢/٤٤٤ إلى تجني بحقي لمحاولة ضرب مصداقيّة الجهة/الجمعيات البيئية اللي بمثلها:
١- هيدي الخبرية الكاذبة نشرت على موقع إلكتروني في ١٥ ت١ ٢٠١٥، وتم تكذيبها عبر نفس الموقع بتاريخ ١٦ ت١ ٢٠١٥ (ليبانون ديبايت)
٢- الجمعية اللي أنا بترأسها كانت مسؤولة عن الاهتمام بغابة خندق الرهبان بعبدا ، واستحصلنا بوقتها على رخصة لتشحيل الأشجار اللي احترقت بعد كارثة حريق أحراج وادي شحرور يلي صار بسبب تقصير من الجهات المعنية بالتدخل السريع وانتقل الحريق على خندق الرهبان وصولاً للقصر الجمهوري.
٣- ما كان في مخالفة برخصة التشحيل ولا توقيف ولا إخلاء سبيل بحق أي أحد.

بس يلّي عم تدافعوا عنن بيتحملوا مسؤولية قطع ملايين الأشجار بمشاريع السدود العشوائية اللي عم يروجولها ، واحتراق ملايين الأشجار بسبب تقصيرن بتجهيز الدفاع المدني ورفضن تعيين حراس أحراج؛
وأنا بتحدا أي شخص يلاقي انو نضالنا وعملنا من 30 سنة لهلق بيصب بغير المصلحة العامة البيئية ومصلحة لبنان،
عم تلفوا وتدوروا لتَحوروا الموضوع وتضيعوا القضية الأساسية بحماية جبل البعل بنهر الكلب يللي عم نناضل كرمالا وبالآخر ما قدرتوا تغبروا علينا غير بإشاعات قديمة كاذبة.

بول أبي راشد
مؤسس جمعية الأرض- لبنان
رئيس الحركة البيئية اللبنانية

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

Facebook Auto Publish Powered By : XYZScripts.com
error: Content is protected !!